NATO-nun baş katibi Yens Stoltenberq iyulda keçiriləcək Varşava Zirvə toplantısına hazırlıq məsələlərini müzakirə etmək məqsədilə aprelin 20-21-də Türkiyəyə ikigünlük səfər edəcək.
Nazirlikdən aprelin 19-da verilən yazılı açıqlamada Stoltenberqin həm prezident Rəcəb Tayyib Ərdoğan, həm də baş nazir Əhməd Davudoğlu, eləcə də xarici işlər naziri Mövlud Çavuşoğlu və müdafiə naziri İsmət Yılmaz ilə danışıqlar aparacağı bildirilib.
“Bu görüşlərdə Varşava Sammitinə hazırlıqla yanaşı, NATO-nun cənub-şərq sərhədində təhlükəsizlik vəziyyətindən irəli gələn problemlər, həmçinin Alyansın Türkiyə üçün təminat tədbirlərinin həyata keçirilməsi müzakirə olunacaq. Bu çərçivədə Yaxın Şərq və Şimali Afrikadan, ilk növbədə İraq, Suriya və DAİŞ-dən [İraq Şam İslam Dövləti – İŞİD], NATO-nun Egey dənizindəki fəaliyyəti ilə bağlı fikir mübadiləsi aparılacağı gözlənilir. "deyə nazirlik əlavə edib.
