Fitch Ratings Türkiyənin İllər Bankını BBB, reytinq proqnozunu isə “sabit” olaraq “investisiya edilə bilən səviyyədə” qiymətləndirib.
Beynəlxalq kredit reytinq agentliyi Fitch Ratings, Türkiyənin İllər Bankının (İlbank) kredit reytinqini BBB- olaraq, reytinq proqnozunu isə “sabit” olaraq “investisiya edilə bilən səviyyədə” elan edib.
Türkiyənin Ətraf Mühit və Şəhərsalma Nazirliyinin yaydığı açıqlamaya görə, nazirliyin alt qurumu olan İlbank ilk dəfə olaraq Fitch Ratings tərəfindən qiymətləndirilib.
Açıqlamada həmçinin qeyd olunub ki, İlbank-ın milli valyutada uzunmüddətli kredit dərəcəsi BBB- səviyyəsində, milli valyutada uzunmüddətli kredit dərəcəsi AAA səviyyəsində, xarici valyutada qısamüddətli kredit dərəcəsi F3 səviyyəsində, proqnozu isə “stabil” səviyyəsində təsdiqlənib.
İllər Bankının baş direktoru Tuncay Karaman bankçılıq və maliyyə sahəsində baş verənləri yaxından izlədikləri üçün kredit reytinqi üçün Fitch Ratings şirkətinə müraciət etdiklərini bildirib.
Son illərdə beynəlxalq bazardan vəsait toplamaq səylərini vurğulayan Karaman, müsbət reytinq nəticələrini İllər Bankının sektordakı aktiv strukturunu, kapital gücünü və kredit keyfiyyətini göstərmək üçün vacib saydıqlarını ifadə etdi.
“Bu reytinq təxminən 20 ildən sonra ilk dəfə olaraq Türkiyənin güclü iqtisadiyyatını, müsbət artım gözləntilərini, sabitləşmiş dövlət maliyyəsini, müsbət borc göstəricilərini və güclü və dərinləşən maliyyə sisteminin səmərəliliyini göstərir”, - deyə Karaman əlavə edib.
