Prezident Rəcəb Tayyib Ərdoğan çərşənbə axşamı deyib ki, beynəlxalq ictimaiyyət terrora qarşı vahid qətiyyətli mövqe nümayiş etdirə bilməyib.
Ərdoğan bu sözləri Birləşmiş Millətlər Təşkilatının Sivilizasiyalar Alyansının (UNAOC) Azərbaycanın paytaxtı Bakıda keçirilən yeddinci Qlobal Forumunda çıxışı zamanı deyib.
“Beynəlxalq ictimaiyyət olaraq biz hələ də ittifaqın əsas məqsədini təşkil edən hədəflərə çatmaqdan çox uzağıq” deyən Ərdoğan, beynəlxalq ictimaiyyətin də qərəz, inanc, mənşə və mədəniyyət mərkəzli zehniyyətləri dəf edə bilmədiklərini bildirib.
“Biz həmçinin radikal hərəkatlarla və bu hərəkatlardan qidalanan terrorla mübarizədə bizdən gözlənilən ümumi, qətiyyətli səyləri göstərə bilmirik”, - deyə prezident bildirib.
UNAOC xalqlar arasında harmoniyanı təşviq etmək və anlaşma və əməkdaşlıq münasibətlərini yaxşılaşdırmaq məqsədi daşıyır.
“Heç bir inanc, din, mədəniyyət və ya vicdan [kiminsə] həyatına qəsd etməyi qəbul etmir. İslam xüsusilə adı sülh mənasını verən bir dindir. Mənası sülh olan bir din terrora icazə verirmi?” – deyə Ərdoğan soruşdu.
“Dinimizdə terrorun yeri yoxdur və İslam adı ilə ortaya çıxan İŞİD kimi təşkilatların İslamla heç bir əlaqəsi yoxdur”, - Ərdoğan əlavə edib.
Prezident deyib ki, dünya “Suriya, İraq, Nigeriya, Fransa, Pakistan, Türkiyə və Belçikada partlayan bombanın” yaratdığı ağrıya qarşı vahid mövqe nümayiş etdirə bilmədi.
“Biz zorakılıq mühiti yaradan siyasi mübahisələrə, ədalətsizliklərə və bərabərsizliklərə həll yolu tapa bilmədik”, - deyə Ərdoğan bildirib.
Ərdoğan bildirib ki, dünya məzhəbçilik, irqçilik və terrora qarşı birgə mübarizə apararaq sülh üçün çalışmalıdır.
“Biz bütün irqlərin nümayəndələrinə insan kimi baxmalı və onları sevməliyik. Bu, dünyada sülhün əsasını təşkil edir”.
500,000 mindən çox insanın ölümünə səbəb olan Suriya müharibəsinə dönən Ərdoğan Suriyanın dövlət terroru yaşadığını vurğulayıb. Ərdoğan Suriyanın Bəşər Əsədi nəzərdə tutaraq, “Barel bombaları, mərmilər və tanklarla həmyerlilərini öldürən terrorçunun başındadır” dedi.
“Bu insanlar altı ildir Suriyada ölür. Sadəcə Egey və Aralıq dənizlərində [Türkiyə] xilas etdiyimiz insanların sayı 100,000 minə çatıb” deyən Ərdoğan, Türkiyənin 3 milyon suriyalı və iraqlı qaçqına ev sahibliyi etdiyini və bu günə qədər onlara yardım üçün 10 milyard dollardan çox vəsait xərclədiyini bildirib.
“Türkiyənin qaçqınlar üçün xərcləməsi təxminən 15-20 milyard dollara çatıb” deyən Ərdoğan, “Bombalardan qaçanlar üçün qapılarımızı açmağa davam edəcəyik” dedi.
Ərdoğan Türkiyənin bombalardan qaçdığı qaçqınların üzünə qapılarını bağlamayacağını, “çünki o insanları ölümə buraxa bilmərik” deyə bir daha vurğulayıb.
