Suriyanın Rakka şəhərindən atıldığı güman edilən Suriya artilleriya mərmisi bufer zonaya düşüb.
Suriyanın Rakka şəhərindən atıldığı güman edilən Suriya artilleriya mərmisi bazar günü Türkiyə-Suriya sərhədindəki bufer zonaya düşüb.
Bazar günü Bəşər Əsədə sadiq qüvvələr hazırda Azad Suriya Ordusunun (ASO) nəzarətində olan Tel Abyad şəhərinə bir neçə artilleriya zərbəsi endirib.
Top mərmilərindən biri Türkiyə Torpaq Məhsulları İdarəsinin (TMO) anbarının yaxınlığında düşüb. Hər hansı itki ilə bağlı dərhal məlumat olmasa da, Suriya artilleriya mərmisi anbara ziyan vurub.
Cənub-şərqdəki Akçakale şəhərinin bələdiyyə sədri Əbdülhakim Ayhan bazar günü səhər saatlarından Tel Abyadda artilleriya mərmilərinin atıldığını və mərmilərdən birinin Türkiyə ilə Suriya arasındakı bufer zonasına düşdüyünü bildirib.
“Şükür Allaha, bazar günü insan itkisi olmayıb. Türkiyə hərbçiləri Suriyaya cavab olaraq Suriyaya bir neçə artilleriya mərmisi atıblar”, - bələdiyyə sədri Ayhan da bildirib.
Hələbdə bir uşaq iti atıcı tərəfindən vuruldu
Bazar günü Suriyanın Hələb şəhərində bir uşaq Suriya ordusunun iti atıcısı tərəfindən vurulub.
Suriya müxalifət qüvvələri Hələbdə uşağın iti atıcı tərəfindən necə vurulduğunu əks etdirən video görüntülər yayıb.
Video görüntülər həvəskar kamera tərəfindən çəkilib. Görüntülərdə uşağın binaların yaxınlığında qaçmaq istəyərkən iti atıcı tərəfindən necə vurulduğu əks olunub.
Görüntüləri çəkən fəalların söhbətinə əsasən, hadisə Hələbin Şeyx Maqsud rayonunda baş verib.
(Anadolu Xəbər Agentliyi)
