İç Anadolu vilayətinin Kayseridə qurulacaq Türkiyənin ilk Səlcuqlu Muzeyinin planlaşdırılması tamamlanıb.
Kayseri Böyükşəhər Bələdiyyəsinin Gevher Nesibe Şifahanesini Səlcuqlu Muzeyinə çevirəcək layihə kuratorlar Professor Baha Tanman, Burçak Madran, Gülrü Tanman və Zeynep Ögel tərəfindən təşkil edilən mətbuat konfransında təqdim edilib.
Təqdimatda Səlcuqlar dövründə dövlət quruluşu, rəsmi qurumlar, məişət, geyim və mülki arxitektura ilə bağlı aparılan inventar işlərinin nəticələri yer alıb. Muzeydə nümayiş etdiriləcək bədii əşyalar, əlyazmalar, tibbi alətlər və digər əşyalar, onların nümayiş etdirilmə qaydası müzakirə olunub.
Kayseri Bələdiyyə Başçısı Mehmet Özhaseki bunun ölkə üçün bir ilk olacağını söylədi. “Türkiyənin Səlcuqlu sənət əsərlərini nümayiş etdirən hərtərəfli muzeyi yoxdur. Biz bir neçə ildir ki, bu məsələ üzərində işləyirik və şəhərin ən qədim tarixi tikililərindən biri olan və məşhur tibb fakültəsi olan Mimarsinan parkında yerləşən Gevher Nesibe Şifahanesini Səlcuqlu Muzeyinə çevirmək üçün bir layihə təşkil etdik. Biz həqiqətən də layihədə irəliləyiş əldə etmişik”.
“Səlcuqlar türklərin Anadoluya daxil olması ilə başlayan çox əhəmiyyətli bir sivilizasiya idi. Onlar əsrlər boyu əhəmiyyətli sənət əsərlərini geridə qoyublar və başqa sivilizasiyalarla bağlı çoxlu layihələr olsa da, bizdə Səlcuqlar haqqında heç bir layihə yoxdur. Onlarla bağlı bütün sənədləri rəqəmsal formatda sərgiləyəcəyik. Muzey təklif mərhələsinə daxil olacaq və 2013-cü ilin yayında tamamlanacaq”, - Özhaseki əlavə edib.
(Orijinal hekayə üçün http://www.hurriyetdailynews.com/works-for-first-museum-on-seljuk-introduced.aspx?pageID=238&nID=34994&NewsCatID=385)
Bu barədə “Hürriyet Daily News” məlumat yayıb
