Si Hasan Acar, ang tag-iya sa usa ka panaderya sa amihanan-kasadpang probinsya sa Bursa, nagsugod niadtong Hunyo 3 sa pag-andam og 2,023 metros ang gitas-on nga börek (lami nga pastry) aron mabuak ang world record alang sa pinakataas nga pastry, ug agig pasidungog sa ika-100 nga anibersaryo sa Republika sa Turkey.
Ang tumong mao ang pagbuak sa miaging rekord, nga natala pinaagi sa 105-metros, 10,000-porsyon nga pastry nga gihimo niadtong 2009 sa Hungary, matod ni Acar. Si Acar migamit og 650 ka kilo nga harina, 350 ka litro nga mantikilya, 1200 ka itlog, 45 ka kilo nga asin, ug 900 ka kilo nga keso, patatas, giniling nga karne ug spinach fillings sa 2023-metros nga gitas-on nga pastry.
Usa ka grupo nga gilangkoban og mga 250 ka tawo ang nagsugod sa pagtrabaho sa börek sa sunod-sunod nga konektado nga mga lamesa sa Atatürk Congress and Culture Center niadtong Hunyo 3, ug natapos niadtong Hunyo 4. Ang nahuman nga pastry makahimo og 40,000 ka servings, matod ni Acar, ug human marehistro ang börek, ang mga servings iapod-apod ngadto sa 40,000 ka mga tawo sa mga nursing home, mga puy-anan sa mga babaye, ug mga balay ampunan.
