Gikondenar sa Turkey ang gitaho nga mga airstrike sa Russia nga nakapatay sa dose-dosenang mga sibilyan sa Syria sa usa ka lungsod nga kontrolado sa mga rebelde. Ang mga air raid nakapatay sa kapin sa 40 ka mga tawo sa lungsod sa Idlib sa Amihanang-Kasadpang Syria.
Ang relasyon tali sa Ankara ug Moscow anaa sa pinakagrabe nga kahimtang karong bag-o sukad gipanaog sa Turkey ang usa ka eroplano sa Russia didto sa Syria sa miaging bulan. Kini nga insidente ang hinungdan sa kamatayon sa piloto sa Russia nga gipusil sa mga rebelde ug nag-parachute paubos gikan sa eroplano.
Adunay kapin sa 2,132 nga gitaho nga namatay sa Syria tungod sa mga airstrike sa Russia nga nagsugod niadtong Septyembre 30. Usa sa ikatulo sa mga namatay mga sibilyan.
Dugay nang nanawagan ang Turkey alang sa pagpalagpot kang Syrian President Bashar al-Assad ug nagsuporta sa mga rebelde nga nakigbatok kaniya.
