Baradei diris, ke paca transiro estas la sola vojo, sendependa enketo estas nepra.
En sia unua reago al la mortigo de dekoj da egiptoj antaŭ la ĉefsidejo de la Respublikanaj Gvardioj en Kairo lunde, la gvidanto de la Nacia Savo-Fronto de Egiptio, Mohammad El-Baradei, diris, ke perforto naskas perforton.
“Perforto naskas perforton kaj devus esti forte kondamnita,” ĉirpetis la provizora vicprezidanto de Egiptio Baradei.
La Egipta Ambulanca Aŭtoritato (EAO) diris, ke 42 homoj estis mortigitaj kaj 322 vunditaj ekster la ĉefsidejo de la Respublikanaj Gvardioj.
La armeo diris, ke unu oficiro mortis kaj pluraj soldatoj vundiĝis en provo de "terorista grupo" sturmi la ĉefsidejon.
Sed la Islama Frataro diris, ke almenaŭ 53 homoj, inkluzive de kvin infanoj, estis mortigitaj kaj centoj vunditaj kiam armeo kaj polico ekpafis kontraŭ pacaj protestantoj ekster la ĉefsidejo.
“Sendependa enketo estas nepra,” diris Baradei.
Lojaluloj de Morsi, la unua demokratie elektita prezidanto de Egiptujo, kampadas ekster la konstruaĵo de kiam li estis elpostenigita laŭ armea vojmapo kunordigita kun kaj subtenata de Baradei.
“Paca transiro estas la sola vojo,” ĉirpetis Baradei.
