Can Bonomo, kiu reprezentis Turkion en la ĉi-jara Eŭrovido-kantokonkurso en la azera ĉefurbo Bakuo kaj finis la konkurson en la 7-a loko per sia kanto "Love Me Back", viciĝis 22-a el 26 en la profesia ĵuriovoĉdonado.
La Eurovision-Komitato publikigis raporton pri la rezultoj de la kantkonkurso kiu okazis la 26-an de majo. Laŭ tiu ĉi raporto, la finalo de la evento estis spektita de 64 milionoj da homoj en televido tra la mondo.
Bonomo, kiu ricevis 112 poentojn en la ĝenerala rangotabelo, ricevis 176 poentojn en publika voĉdonado kaj 50 poentojn en profesia ĵuriovoĉdonado. Laŭ tiu rezulto, Turkio tiel havis la plej altan diferencon inter la publika voĉdonado kaj profesia ĵuriovoĉdonado inter la 26 konkurantaj landoj.
Rusio, kiu partoprenis en la konkurso kun la Buranovskiye Babuski, kaj dua vicis kun 259 poentoj, estis en la dua rango en publika voĉdonado kun 332 poentoj kaj 11-a rango en profesia ĵuriovoĉdonado kun 94 poentoj.
Svedio, kiu gajnis la konkurson kun 372 poentoj, konservas sian unuan rangon en kaj publika voĉdonado (343 poentoj) kaj profesia ĵuriovoĉdonado (296 poentoj).
