Rusio la 5-an de novembro komencis gastigi Fraŭlinon Universo por la unua fojo en la 61-jara historio de la konkurso, kun konkursantoj el 86 landoj ŝanceliĝantaj sur podio en koncertejo en Moskvo.
En la prepara raŭndo, partoprenantoj paŝis sur scenejon kun fono de cepkupoloj, unue en nigraj kaj ruĝaj bikinoj, kaj poste en brilaj kaj elegantaj vesperaj roboj. La virinoj ne parolis krom por doni sian nomon kaj landon. La plej grandaj huraoj iris al la rusa konkursanto same kiel al tiuj el Meksiko kaj Filipinoj, kiujn salutis flagsvingantaj ŝatantoj.
La gajninto estos kronita ĉe la ĉefa spektaklo la 9-an de novembro, kiu inkluzivas intervjuo-rondon. La juĝistoj por la ĉefa spektaklo inkluzivos la kantiston de Aerosmith, Steven Tyler, kaj la ekstravagancan rusan popreĝon Filipp Kirkorov, dum la eks-stelulino de Spice Girls, Mel B, estos kunprezentanto.
La organizantoj promesas la inaŭguron de milion-dolara naĝkostumo "smeraldo, rubeno kaj diamanto" la 9-an de novembro, kiun la gajninto povos porti.
Kvankam apenaŭ pioniro pri seksaj aferoj, Fraŭlino Universo ĉi-jare kaŭzis disputon pri samseksemaj rajtoj. La komenca kunprezentanto de la programo, Andy Cohen, kiu malkaŝe estas samseksema, retiriĝis en aŭgusto pro la elekto de Rusio kiel la loko. Li kritikis leĝon pasigitan de Putin en junio, kiu malpermesas antaŭenigi samseksemon en la ĉeesto de neplenaĝuloj, kaj kaŭzis internacian zorgon, ke ĝi povus esti uzata por subpremi samseksemajn fierecajn eventojn.
Tamen NBC-gastiganto Thomas Roberts, kiu ankaŭ estas gejo kaj edziĝis kun sia partnero, transprenis la rolon.
HDN
