Rusa ĉefministro diris, ke Turkio devigis sirian pasaĝeraviadilon surteriĝi surbaze de la Ĉikaga Konvencio.
La rusa ministro pri eksterlandaj aferoj Sergej Viktoroviĉ Lavrov diris, ke Turkio devigis sirian pasaĝeraviadilon surteriĝi en Ankaro lastan semajnon surbaze de rajtoj devenantaj de la Ĉikaga Konvencio pri Civila Aviado de 1944.
Parolante al raportistoj dum vizito al Luksemburgo, Lavrov deklaris, ke ili atendas klarigon pri la turka decido de la pasinta semajno devigi sirian pasaĝeraviadilon alteriĝi en Ankaro dum ĝi vojaĝis al Damasko el Moskvo.
La posedanto de la kargo en la siria pasaĝeraviadilo eble petos, ke la kargo estu redonita al ili, indikis Lavrov.
“Neniu devus zorgi pri turk-rusaj rilatoj. La okazaĵo de la pasinta semajno en Ankaro ne damaĝos turk-rusajn rilatojn,” ankaŭ diris Lavrov.
(Anatolia Novaĵagentejo)
