Իռլանդացի աշխարհահռչակ երգչուհի Շինեյդ Օ'Քոնորը հայտարարել է, որ ընդունել է իսլամ։ The Irish Post-ը գրում է, որ Շինեյդ Օ'Քոնորն իր որոշման մասին հայտնել է իր երկրպագուներին Twitter-ի իր միկրոբլոգում։ Նա գրել է, որ թողել է կաթոլիկությունը և դարձել մահմեդական։
«Ես հպարտ եմ, որ մուսուլման եմ դարձել: Սա ցանկացած ողջամիտ աստվածաբանի ճանապարհի բնական ավարտն է: Բոլոր սուրբ գրքերը տանում են դեպի իսլամ, ինչը նշանակում է, որ մնացած բոլոր սուրբ գրքերն ավելորդ են: Ես կունենամ նոր անուն՝ Շուհադա»,- գրել է երգչուհին։
51-ամյա երգչուհին վերցրել է մահմեդական Շուհադա Դավիթ անունը և բացել նոր էջ՝ Shuhada' Davitt @MagdaDavitt77 անունով, որում հրապարակել է իր հիջաբով լուսանկարը և մակագրել՝ «Happy»:
Մեկ այլ գրառման մեջ երգչուհին շնորհակալություն է հայտնել մահմեդականներին. «Շնորհակալ եմ բոլոր մահմեդական եղբայրներին և քույրերին իրենց ողջույնի խոսքերի համար: Դու պատկերացում չունես, թե ինչ է նշանակում քո բարությունն ինձ համար»,- գրել է աստղը։
Շինեյդ Օ'Քոննորը Մագդա Դավիթ անունը ընդունել է 1990 թվականին։
