ԱՄՆ իշխանությունները քննարկում են Չինաստանի դեմ պատժամիջոցներ սահմանելու հնարավորությունը՝ մուսուլմանների նկատմամբ կիրառվող հալածանքների համար։ Այս մասին գրում է ամերիկյան The New York Times թերթը՝ վկայակոչելով Սպիտակ տան աղբյուրները։
Հրատարակության համաձայն՝ նոր հակաչինական պատժամիջոցների պատճառը բազմաթիվ վկայություններ էին ՉԺՀ-ում այսպես կոչված վերակրթության ճամբարների գոյության մասին, որտեղ ուղարկվում են իսլամի հետևորդներ և էթնիկ ույղուրներ՝ թույլ չտալով նրանց շփվել իրենց հարազատների հետ կամ դիմել փաստաբանների օգնությանը:
Ինչպես բազմիցս հաղորդվել է ԶԼՄ-ներում, ներկայումս ճամբարներում կա մինչև մեկ միլիոն մուսուլման, որոնց իշխանությունները ստիպում են սովորել չինարեն, օրենքներ և ձեռք բերել աշխատանքային հմտություններ:
Նշվում է, որ պատժամիջոցների ներդրման դեպքում դրանք կլինեն առաջին սահմանափակումները Չինաստանի դեմ, որոնք սահմանվել են հատուկ մարդու իրավունքների խախտումների պատճառով։
