Գերմանիայի կանցլեր Անգելա Մերկելը ապրիլի 12-ին խոսել է խոսքի ազատության կարևորության մասին, մինչդեռ Բեռլինը քննարկում է Թուրքիայի խնդրանքը՝ հետապնդել գերմանացի հեռուստաերգիծաբանին, որը քննադատել էր նախագահ Ռեջեփ Թայիփ Էրդողանին՝ ասելով, որ իր երկիրը քննարկում է այդ խնդրանքը։
Մերկելը նշել է, որ իր կառավարությունը այս դեպքը համարում է բոլորովին անջատ այլ քաղաքական հարցերից, այդ թվում՝ ԵՄ-Թուրքիա համաձայնագրից, որը նպատակ ունի դադարեցնել Եվրոպա միգրանտների զանգվածային հոսքը։
Նա ասաց, որ Գերմանիայի սահմանադրությունը երաշխավորում է «արտահայտվելու, ակադեմիական աշխարհի և, իհարկե, արվեստի ազատությունը», հավելելով, որ «այս արժեքները գործում են անկախ բոլոր քաղաքական խնդիրներից, որոնք մենք քննարկում ենք միմյանց հետ: Եվ դա ներառում է նաև փախստականների հարցը»:
Էրդողանի կառավարությունը պաշտոնական բողոք է հայտնել հեռուստակատակերգու Յան Բյոմերմանի դեմ և պահանջել է նրան քրեական պատասխանատվության ենթարկել։
Դեպքը տեղի է ունենում այն ժամանակ, երբ Եվրոպան և Անկարան համաձայնության են եկել՝ զսպելու Թուրքիայի ափերից Եվրամիություն ուղևորվող նավակներով միգրանտների հոսքը։
Մերկելը, ով բանաստեղծությունը որակել է «միտումնավոր վիրավորական», ասել է, որ Թուրքիայի խնդրանքը «շատ ուշադիր» ուսումնասիրվում է համապատասխան կառավարական գերատեսչությունների, այդ թվում՝ իր գրասենյակի կողմից, և որոշումը սպասվում է առաջիկա օրերին։
Նա նաև ասել է, որ փախստականների հարցի լուծում գտնելը բխում է թե՛ Թուրքիայի, թե՛ ԵՄ-ի, այդ թվում՝ Գերմանիայի շահերից։
«Սակայն այս ամենը լիովին անկախ է Գերմանիայում հիմնարար իրավունքներից, և, հետևաբար, նաև հինգերորդ հոդվածից՝ մամուլի, կարծիքի և ակադեմիական աշխարհի ազատությունից, և լիովին անջատված է դրանից», - ասաց Մերկելը։
