Թուրքիան մտադիր է ապագայում երկրում օգտագործվող գազի մինչև 15 տոկոսը պահեստավորել ստորգետնյա պահեստարաններում։ Այդ կապակցությամբ երկիրը նախատեսում է ավելացնել պահեստարանների թիվը, շաբաթ օրը հայտարարել է էներգետիկայի և բնական պաշարների նախարար Թաներ Յըլդըզը։
Նախարարն ասել է, որ Թուրքիան կցանկանար ռուսական ընկերություններին տեսնել բնական գազի նոր պահեստարանների կառուցման նախագծում։
«Թուրքիային անհրաժեշտ են 7-8 միլիարդ խորանարդ մետր գազի պահեստային հզորություններ։ Թուրքիան կցանկանար ռուսական ընկերություններին տեսնել նոր պահեստարանների ստեղծման նախագծերում»,- ասել է Յըլդըզը։
Թուրքիան մշակել է երկրորդ ստորգետնյա պահեստի ստեղծման նախագիծ, որը կավարտվի 2019 թվականին։
Գազի պահեստարանը, որը կստեղծվի Տուզ լճի տակ, բաղկացած կլինի 12 հորերից և կունենա մեկ միլիարդ խորանարդ մետր պահեստային հզորություն։
640 մլն դոլար արժողությամբ նախագիծը կիրականացնի չինական China Tianchen Engineering Corporation ընկերությունը։
Ներկայումս Թուրքիայում կա մեկ գազի պահեստարան Սիլիվրի նավթային ընկերությունում, որը կարող է պարունակել 2.6 միլիարդ խորանարդ մետր գազ, որը պատկանում է TPAO-ին։
(Trend AZ)
