ბრაზილიის დროებითი კაბინეტის ერთ-ერთი მთავარი წევრი, დაგეგმარების მინისტრმა რომერო ჯუკამ თანამდებობა დატოვა ქვეყანაში კორუფციის ყველაზე მასშტაბური გამოძიების ჩაშლის მცდელობის ბრალდებების ფონზე.
ბრაზილიურმა გაზეთმა „ფოლა დე სან პაულომ“ გამოაქვეყნა ჯუკასა და ყოფილ სენატორ სერხიო მაჩადოს საუბრის ჩანაწერი.
შესაბამისად, ჯუკა აცხადებს, რომ მაჩადოსთან შეხვედრის დროს მან სცადა გავლენა მოეხდინა ბრაზილიის უდიდესი სახელმწიფოს მიერ კონტროლირებადი ნავთობკომპანიის, „პეტრობრასის“, კორუფციის გამოძიებაზე, რომელშიც ის იყო ჩართული, და ხელი შეეშალა გამოძიების მიშელ ტემერსა და მის გარემოცვაზე გავრცელებისთვის.
მიშელ ტემერის მთავრობა, რომელიც ორი კვირის წინ პრეზიდენტ დილმა რუსეფის იმპიჩმენტის შემდეგ შეცვალა, ჯუკას გადადგომამ რთულ მდგომარეობაში ჩააგდო.
დილმა რუსეფმა განაცხადა, რომ ამ მოვლენამ გამოავლინა, რომ მისი იმპიჩმენტი გადატრიალების შედეგი იყო. გაჟონილმა აუდიოჩანაწერმა ასევე გამოიწვია ქუჩის საპროტესტო აქციები ტემერის მთავრობის წინააღმდეგ სან-პაულოში.
