Agence France-Presse
AP Photo
ტექსტის თანახმად, სირიის ახალი კონსტიტუცია, რომელზეც ამ თვის ბოლოს უნდა იყოს კენჭისყრა, ფაქტობრივად, ბაასის პარტიის თითქმის ხუთი ათწლეულის მმართველობას დაასრულებს.
შემოთავაზებული კონსტიტუცია, რომელიც კენჭისყრაზე 26 თებერვალს გავა, აუქმებს ძველი წესდების მე-8 მუხლს, რომელიც 1963 წლიდან ხელისუფლებაში მყოფ ბაასის პარტიას „სახელმწიფოსა და საზოგადოების ლიდერად“ აცხადებდა.
სირიის პრეზიდენტმა ბაშარ ალ-ასადმა ახალი კონსტიტუციის საკითხზე რეფერენდუმის 26 თებერვალს ჩატარების ბრძანება გასცა, - ამის შესახებ ინფორმაციას სირიის სახელმწიფო სააგენტო SANA ავრცელებს.
„პრეზიდენტმა ბაშარ ალ-ასადმა დღეს გამოსცა ბრძანებულება, რომლითაც კონსტიტუციის პროექტზე რეფერენდუმის ჩატარების თარიღად კვირა დღე, 26 თებერვალი დაინიშნა“, - იტყობინება SANA.
სირიის სახელმწიფო ტელევიზიამ განაცხადა, რომ ახალი კონსტიტუცია ხალხს საშუალებას მისცემს, მართოს ხალხი ახალი მრავალპარტიული დემოკრატიული სისტემის ფარგლებში.
ნათქვამია, რომ შემოთავაზებული ტექსტის თანახმად, თავისუფლება „წმინდა უფლებაა“ და პირადი თავისუფლების ნებისმიერი დარღვევა კანონით დასჯად დანაშაულად ითვლება.
SANA-ს ცნობით, კვირას, ახალი კონსტიტუციის შემუშავების საკითხზე დაკისრებულმა კომისიამ ასადს ქარტიის პროექტი წარუდგინა და დასძინა, რომ ის მას განიხილავს და კენჭისყრამდე სახალხო კრებას გაუგზავნის.
იანვარში ასადმა განაცხადა, რომ ოქტომბერში შექმნილი კომიტეტი ახალ კონსტიტუციას ამზადებდა, რომელიც მოქმედ კონსტიტუციას ჩაანაცვლებდა და რომელიც მისი „ბაასის“ პარტიის დომინანტურ როლს განამტკიცებს.
მაშინ მან განაცხადა, რომ ის შესაძლოა სახალხო კენჭისყრაზე მარტში გავიდეს, თუმცა კენჭისყრის ეს თარიღი ახლა უფრო ადრე გადაიდო.
სირიის მთავრობამ საგანგებო მდგომარეობა გასული წლის აპრილში გააუქმა და ივლისში მიიღო კანონი, რომელიც მრავალპარტიულ პოლიტიკურ სისტემას უშვებს.
