სირიელი და თურქი მუსიკოსები 16 იანვარს სტამბოლში საქველმოქმედო კონცერტს გამართავენ, რათა სირიის კრიზისით დაზარალებული ლტოლვილებისთვის თანხები შეაგროვონ.
კონცერტზე, რომლის ფარგლებშიც აუქციონზე საქველმოქმედო ორგანიზაციისა და ჟურნალისტის ჯო დურანის მიერ გადაღებული სირიელი ლტოლვილების ფოტოები გაიყიდება, სირიელი მევიოლინე ალი მორალი, სირიელი უდისტი ორას შუქური და თურქი მუსიკოსები დუიგუ დემირი და ფულია ოზლემი დაუკრავენ.
დურანმა თქვა, რომ მან გადაწყვიტა სირიელი ლტოლვილებისთვის რამე გაეკეთებინა სირიის თურქეთის საზღვარზე მდებარე ადმას ლტოლვილთა ბანაკში ვიზიტის შემდეგ.
„მე ვაკეთებდი სირიაში მყოფ სირიელ ლტოლვილებზე სიუჟეტს, დაახლოებით 13 ათასი ლტოლვილი ელოდება საზღვარზე და იქ წარმოუდგენელ პირობებში ცხოვრობს. სახლში დაბრუნებისას ვიფიქრე, კიდევ რა შემეძლო გამეკეთებინა სირიელი ლტოლვილებისთვის. შემდეგ დავუკავშირდი სირიელ მევიოლინე ალი მორალის და გადავწყვიტეთ, ეს კონცერტი გაგვემართა“, - თქვა დურანმა.
დურანის თქმით, კონცერტიდან შემოსული თანხა „მარამის ფონდს“ გადაეცემა, რომელიც სირიელი ამერიკელი აქტივისტების მიერ სირიელი ხალხის წინაშე მდგარი უზარმაზარი ჰუმანიტარული კატასტროფის საპასუხოდ შეიქმნა.
ალი მორალიმ 2011 წელს სირიის ეროვნული ორკესტრის აკომპანიმენტით სოლისტად გამოსვლისას მიიღო მონაწილეობა, ხოლო ორას შუქურმა 2007 წელს სირიულ ჯგუფ „აბაადში“ გამოსვლა გამართა.
აუქციონი და კონცერტი გაიმართება Rixos Pera Istanbul-ში, საღამოს 6:45 საათზე.
