თურქეთის არმიამ მეორე დღეა ჩრდილოეთ სირიაში ქურთების მიერ მხარდაჭერილი მილიციის პოზიციები დაბომბა. სირიის ადამიანის უფლებათა ობსერვატორიის ცნობით, ორი მებრძოლი დაიღუპა.
შაბათს თურქეთმა მოითხოვა, რომ გავლენიანმა სირიელმა ქურთმა მებრძოლებმა, YPG-მ, გაიყვანონ ის ტერიტორიები, რომლებიც მან ჩრდილოეთ ალეპოს რეგიონში სირიელი მეამბოხეებისგან დაიპყრო. YPG აკონტროლებს სირიის ჩრდილოეთ საზღვრის თითქმის მთელ ტერიტორიას თურქეთთან და შეერთებული შტატების ახლო მოკავშირეა სირიაში „ისლამური სახელმწიფოს“ წინააღმდეგ კამპანიაში.
ანკარა ამ ჯგუფს ქურთისტანის მუშათა პარტიის (PKK) გაგრძელებად მიიჩნევს, რომელიც სამი ათწლეულის განმავლობაში აჯანყებას აწარმოებდა სამხრეთ-აღმოსავლეთ თურქეთში ავტონომიისთვის.



