ევროკავშირი და თურქეთი მარტის დასაწყისში სპეციალურ სამიტს გამართავენ, რათა ლტოლვილთა კრიზისის მოგვარებასთან დაკავშირებით შეთანხმებას მიაღწიონ, განაცხადა პარასკევს ევროპული საბჭოს პრეზიდენტმა დონალდ ტუსკმა.
ნოემბერში, ევროკავშირი-თურქეთის სამიტზე, თურქეთი დათანხმდა მიგრანტების ნაკადის შემცირებას. ამ გეგმის აღსრულების ზეწოლა იზრდება, რადგან ევროკავშირის ოფიციალური პირები აცხადებენ, რომ ათასობით ლტოლვილი აგრძელებს ეგეოსის ზღვის გადაკვეთას თურქეთიდან. გასულ წელს ერთ მილიონზე მეტმა ლტოლვილმა გაიარა ეს უკიდურესად სახიფათო მოგზაურობა.
თურქეთის ხელისუფლება მუდმივად ინარჩუნებს პოზიციას, რომ სირიელი ლტოლვილების კრიზისი არა მხოლოდ თურქეთისა და სირიის მეზობელი სხვა ქვეყნების, არამედ მთელი კაცობრიობის პრობლემაა.
