„ევროვიზიის“ თურქული ალტერნატივის, „თურქვიჟიონის“ დეტალები „თურქსოის“ გენერალურმა მდივანმა დუსენ კასეინოვმა გაასაჯაროვა.
პროექტი, რომელიც ევროვიზიის ალტერნატივად იქნა შერაცხული მას შემდეგ, რაც თურქეთმა ხმის მიცემის სისტემის გამო შოუ უგულებელყო, გადამწყვეტი ნაბიჯი გადადგა რეალობად ქცევისკენ 21 სექტემბერს ესკიშეჰირში გამართული ოფიციალური ხელმოწერის ცერემონიის შემდეგ, რომელსაც განათლების მინისტრი ნაბი ავჩიც ესწრებოდა.
დეტალები თურქეთის კულტურის საერთაშორისო ასოციაციის (TÜRKSOY) გენერალურმა მდივანმა, დიუსენ კასეინოვმა გაავრცელა.
კასეინოვის თქმით, „თურქვიზია“, რომელსაც თურქეთის მუსიკისა და ტელევიზიის ასოციაცია ორგანიზებას გაუწევს, მიზნად ისახავს თურქული კულტურის, მუსიკისა და მემკვიდრეობის მომავალ თაობებს გააცნოს და ახალგაზრდა მუსიკოსები გააერთიანოს.
„პროექტის ფარგლებში იგეგმება ახალი „მუსიკალური ასოციაციის“ პროექტი. ყოველწლიურად ჩვენ ვისწრაფვით ამ პროექტის გაგრძელებისკენ“, - თქვა მან და დასძინა, რომ თურქულენოვანი ქვეყნების ახალგაზრდებისგან კონკურსის მიმართ დიდ ინტერესს ელის.
Turkvision-ის კონკურსი სამი დღის განმავლობაში გაგრძელდება, ჯგუფები როგორც თურქულ, ასევე საკუთარ დიალექტებზე პოპ-მუსიკის სტილებში იმღერებენ. პირველ ფინალში ისინი თურქულად იმღერებენ, მეორე ფინალში საკუთარ ენაზე, ხოლო მესამე ფინალში - სასურველ ენაზე.
ყოველწლიურ ღონისძიებაში მონაწილეობას მიიღებს თურქული უმცირესობებით დასახლებული 20 ქვეყანა და ავტონომიური რეგიონი, როგორიცაა თათრისტანის რესპუბლიკა რუსეთში ან ყირიმის რესპუბლიკა, რომელიც უკრაინის ნაწილია.
წლევანდელი ევროვიზიის შოუს უგულებელყოფისა და იმის გამოცხადების შემდეგ, რომ, სავარაუდოდ, მომავალ წელსაც გამოტოვებს კონკურსს, თუ ხმის მიცემის სისტემა არ შეიცვლება, თურქეთი პირველ გამოცემას დეკემბრის ბოლოს ესკიშეჰირში უმასპინძლებს. თუმცა, განათლების მინისტრმა ავჯიმ ხაზგასმით აღნიშნა, რომ კონკურსი, როგორც ბევრი ვარაუდობდა, არ იყო 1956 წლიდან ორგანიზებული ევროვიზიის სიმღერის კონკურსის „ალტერნატივა“, არამედ ის „თურქული სამყაროს კულტურული დედაქალაქის“ ღონისძიებების ფარგლებში უნდა ჩატარებულიყო. კულტურული დედაქალაქის დროშას წელს ესკიშეჰირი ატარებს.
HDN
