თურქეთის პირველი სელჩუკთა მუზეუმის დაგეგმვა დასრულდა, რომელიც ცენტრალური ანატოლიის პროვინცია კაისერში უნდა გაიხსნას.
პროექტი, რომელიც კაისერის მეტროპოლიტენის მუნიციპალიტეტის გევჰერ ნესიბე შიფაჰანეს სელჩუკთა მუზეუმად გადააქცევს, პრესკონფერენციაზე კურატორებმა, პროფესორმა ბაჰა თანმანმა, ბურჯაკ მადრანმა, გიულრუ თანმანმა და ზეინეპ ოგელმა წარადგინეს.
პრეზენტაცია მოიცავდა სელჩუკთა პერიოდის სახელმწიფო მოწყობის, ოფიციალური ინსტიტუტების, ყოველდღიური ცხოვრების, ტანსაცმლისა და სამოქალაქო არქიტექტურის შესახებ ინვენტარიზაციის შედეგებს. განიხილეს მუზეუმში გამოსაფენი ხელოვნების ნიმუშები, ხელნაწერები, სამედიცინო იარაღები და სხვა ნივთები, ასევე მათი გამოფენის წესი.
კაისერის მერმა მეჰმეთ ოზჰასეკიმ განაცხადა, რომ ეს ქვეყნისთვის პირველი შემთხვევა იქნება. „თურქეთს არ აქვს სელჩუკთა ხელოვნების ნიმუშების ყოვლისმომცველი მუზეუმი. ჩვენ ამ საკითხზე რამდენიმე წელია ვმუშაობთ და ორგანიზება გავუკეთეთ პროექტს, რომლის მიზანიც ქალაქის ერთ-ერთი უძველესი ისტორიული ნაგებობისა და ცნობილი სამედიცინო ფაკულტეტის, მიმარსინანის პარკში მდებარე გევჰერ ნესიბე შიფაჰანეს, სელჩუკთა მუზეუმად გადაქცევა იყო. პროექტში ნამდვილად მივაღწიეთ პროგრესს“, - თქვა მან.
„სელჩუკები ძალიან მნიშვნელოვანი ცივილიზაცია იყო, რომელიც თურქების ანატოლიაში შესვლის შემდეგ დაიწყო. მათ საუკუნეების განმავლობაში მნიშვნელოვანი ხელოვნების ნიმუშები დატოვეს და მიუხედავად იმისა, რომ სხვა ცივილიზაციებთან დაკავშირებული მრავალი პროექტი არსებობს, ჩვენ სელჩუკების შესახებ არც ერთი არ გვაქვს. მათ შესახებ ყველა დოკუმენტს ციფრულ ფორმატში გამოვფენთ. მუზეუმი წინადადებების ფაზაში შევა და 2013 წლის ზაფხულში დასრულდება“, - დასძინა ოზჰასეკიმ.
(ორიგინალი სტატიისთვის http://www.hurriyetdailynews.com/works-for-first-museum-on-seljuk-introduced.aspx?pageID=238&nID=34994&NewsCatID=385)
იტყობინება Hürriyet Daily News
