Partiya desthilatdar AK Partî li Tirkiyê Bînalî Yildirim wek namzedê serokatiyê hilbijart, du hefte piştî ku raporek lihevnekirina bi serokomar re bû sedem ku serokwezîr dest ji kar berde.
Birêz Yildirim, ku niha wezîrê veguhestinê ye, wek alîkarê sereke yê Serokomar Recep Tayyîp Erdogan tê dîtin.
Birêz Yildirim ê 60 salî dê roja Yekşemê di kongreya partîya xwe ya awarte de wek serokê nû yê AKPê were destnîşankirin. Serokê partiyê jixweber erka serokwezîrtiyê digire ser xwe.
Tevî ku zavayê birêz Erdogan, Wezîrê Enerjiyê Berat Albayrak, weke berbijarekî muhtemel hatibû binavkirin jî, di anketa parlamenter û endamên partiyê de navê wî di nav sê kesên sereke de cih negirt.
Serokomar Erdogan hêvî dike ku Tirkiye ji sîstema parlamenî ber bi sîstema serokatiyê ve biçe û xwedî desthilatên îcrayê mezintir be.
