Wezîrê Derve yê Tirkiyê Ahmet Davutoglu ragihand, armanca wan bidawîkirina rijandina xwînê li Sûriyê û pêkanîna guhertineke siyasî ye ku li gorî îradeya gelê Sûriyê pêk were.
Ahmet Davutoglu îro Înê di civîneke çapemeniyê ya hevbeş de ligel Sekreterê Giştî yê Neteweyên Yekbûyî (NY) Ban Ki-moon li paytexta Tirkiyê Enqerê axivî û bal kişand ser wê yekê ku nepêkane weke NY rê li ber kûrbûna krîza Sûriyê bigire. û bi taybetî Encûmena Asayîşê, nekarî helwesta pêwîst nîşan bide.
Davutoglu ji ber hesasiyeta wî ya li ser Sûriyê spasiya Ban Ki-moon kir û got ku Ban Ki-moon roja Înê serdana kampa penaberên Sûriyê li bajarokê Islahiye yê parêzgeha Gaziantepê li başûrê rojhilatê wî welatî kir.
Davutoglu destnîşan kir ku tişta ku li Sûriyeyê wek pirsgirêkeke siyasî dest pê kir, veguherî qeyraneke mezin a însanî û şerekî navxweyî.
Davutoglu got, Sekreterê Giştî Ban Ki-moon û me roja Înê bi berfirehî li ser mijara Sûriyê gotûbêj kirin.
“Armanca me bidawîkirina rijandina xwînê li Sûriyê û hêsankirina guhertineke siyasî ye ku li gorî îradeya gelê Sûriyê pêk were. Sekreterê Giştî Ban Ki-moon di vî warî de gelek hewl da. Di hemû qonaxên kirîza Sûriyê de hemû tiştên ku ji destê wî dihat kirin. Davutoglu destnîşan kir ku ji ber ku Neteweyên Yekbûyî li ser Sûriyeyê nekariye helwesta bi biryar a pêwîst nîşan bide, Konseya Ewlekariyê ya Neteweyên Yekbûyî jî nikare pêşî li kûrbûna krîza Sûriyeyê bigire."
“Ji bo derbaskirina krîza Sûriyê em bi Neteweyên Yekbûyî re di têkiliyê de ne. Me ji Ban Ki-moon der barê geşedanên li Sûriyeyê de agahî girtin. Davutoglu got, me li ser geşedanên dîplomatîk ên piştî serdana Serokê Rûsyayê Vladîmîr Pûtîn a vê dawiyê ya Tirkiyeyê agahî da Ban Ki-moon.
Davutoglu wiha got: "Me spasiya Sekreterê Giştî Ban Ki-moon kir ji ber helwesta wî ya li ser Filistînê ku di dawiyê de bû sedema bilindkirina statuya wan a 'dewleta çavdêr a ne-endam' a Neteweyên Yekbûyî."
“Me îro bi Ban Ki-moon re jî li ser veguherandina Stenbolê navendeke Neteweyên Yekbûyî gotûbêj kir. Îhtîmala gelek rêxistinên Neteweyên Yekbûyî li Stenbolê buroyên herêmî vekin. Di vî warî de em spasiya Ban Ki-moon dikin ji bo piştgiriya wî. Birêz Ban Ki-moon niştecihê rûmetê yê Stenbolê ye wek Koreyî ku dikare strana 'Uskudar' bibêje. Piştgiriyek mezin dide statuya nû ya Stenbolê. Davutoglu her wiha got, em bi biryar in ku Stenbolê bikin navenda aştiyê ya cîhanê.
(Trend AZ)
