Xizm û hevkarên du rojnamevanên li Sûriyê li Stenbolê çalakiya rûniştinê ya bêdeng li dar dixin.
Xizm û hevkarên rojnamevanê Tirk Cuneyt Unal û rojnamevanê filistînî Beşar Fehmî Qadumî ku di destê rayedarên Sûrî de ne, îro Sêşemê li ber avahiya Serkonsolosxaneya Sûriyê ya li Stenbolê çalakiya rûniştinê li dar xistin.
Xizm û hevrêyên du rojnamegeran bi pankarta “Hevalên me paşde bidin” vekirin û 15 deqîqeyan çalakiya rûniştinê li dar xistin.
Hevjîna Cuneyt Unal Nuran Unal jî got, “Ev 65 roj in em di wê baweriyê de ne ku me her tiştê ku ji destê me hat gotin. Em jî dixwazin bêdeng bin.”
Hevjîna Beşar Qadumî Arzû Qadumî got ku “siyasetmedaran hin însiyatîf kirine lê gotin bi xwe ti wateya xwe nîne. Me nekarî encamekê bi dest bixin.”
Unal û Qadumî ev du meh in ku ji dema ku li Helebê hatine revandin di bin çavan de ne.
TGC ji Nûnerê Taybet ê Sûriyeyê yê Neteweyên Yekbûyî re ji bo rojnamegerên girtî nameyek şand
Ji aliyê din ve, Cemiyeta Rojnamevanên Tirkiyê (TGC) ji bo azadkirina rojnamevanê tirk Cuneyt Unal û rojnamevanê filistînî Beşar Fehmî Qadûmî li Sûriyê, nameyek ji nûnerê taybet ê NY û Komkara Erebî li Sûriyê Laxder Brahîmî re şand.
TGC di nameya xwe de tekez kir ku Unal û Qadumî ji bo ku erka xwe ya rojnamevaniyê pêk bînin li Sûriyê ne.
Di nameyê de hat bibîrxistin ku Sûriye mecbûr e li gorî peymanên navneteweyî rêzê li azadiya çapemeniyê bigire, di nameyê de daxwaz ji Brahîmî hate kirin ku alîkariya her du rojnamegeran bike ku ji aliyê rayedarên Sûriyeyê ve werin berdan.
Unal û Qadumî ev du meh in ku ji dema ku li Helebê hatine revandin di bin çavan de ne.
(Ajansa Nûçeyan a Anadoluyê)
