Serokomar Recep Tayyîp Erdogan roja Pêncşemê beriya destpêkirina Lûtkeya Ewlehiya Nukleerê bi Alîkarê Serokê Amerîkayê Joe Biden re hat bal hev. Lê silava germ ji ber helwesta Amerîka ya li hember Partiya Yekîtiya Demokratîk a Sûriyê (PYD) ya girêdayî PKKê, ku Washington wê di şerê li dijî DAEŞê de wek hevalbendê xwe dibîne, nerihet bû. Di civînê de Cîgirê Wezîrê Derve Tony Blinken, Alîkara Wezîrê Derve yê Amerîka ji bo Karûbarên Ewropa û Avrasyayê Victoria Nuland û Nûnerê Taybet ê Serokê Amerîkayê di Hevpeymaniya Navdewletî ya Dijî DEAŞê de Brett H. McGurk ji aliyê Amerîkayê û Wezîrê Derve Mevlut Çavuşoglu jî amade bûn. Wezîrê Karên Derva Ferîdun Sinirlioglu, Serokê Teşkîlata Îstixbarata Neteweyî (MÎT) Hakan Fîdan û Berdevkê Serokomariyê Îbrahîm Kalin ji aliyê Tirkiyeyê ve hatin bal hev.
Hevdîtin li Otela St Regis a ku Erdogan lê dimîne hat kirin. Çûyîna McGurk ku hevdîtina wî ya berê bi rayedarên PYDê re, ku endamê berê yê PKKê jî di nav de ye, ji aliyê Tirkiyê ve rastî rexneyên cidî hatibû, wek nîşana wê yekê hat dîtin ku PYD dê bibe mijara gotûbêjê di civînê de. Rayedarên Tirkiyê yên beriya civînê axivîn û gotin ku Tirkiye PYD û Yekîneyên Parastina Gel (YPG) yên çekdar ne tenê wek girêdayê rêxistina terorê PKKyê, lê herwiha wek nûnerê hevpeymaniya Rûsya û Esed jî dibîne. Wan tekez kir ku Enqere dilgiraniyên mezin li ser wan grûpên ku hewl didin herêmeke xweser li ser sînorê Tirkiyê li Sûriyê ava bikin heye. Rayedaran her wiha dilgiraniya Tirkiyeyê ya ji ber helwesta neguhertina DYA ya li hemberî PYD'ê nîşan dan.
Li gorî agahiyan, hevdîtina bi heyetê re saetekê dom kir û piştre her du serokan 30 deqîqeyan bi hev re hevdîtin kirin. Li bendê bû ku Erdogan paşê beşdarî şîva ku ji aliyê Serokê Amerîkayê Barack Obama ve hat dayîn, bi xêrhatina lîderên cîhanê yên ku ji bo Lûtkeya Ewlehiya Nukleerî kom bûn, bibe.
Kalin, piştî hevdîtinê axivî û got, DYA bi biryar e ku Sûriyeyê yekparçe bimîne û li dijî îlankirina federasyonê ya PYD'ê ye. Wî herwiha got, Biden soz daye ku hevkarîya dijî PKKê bi Tirkîyê re zêde bike.
Serokomar Erdogan roja Çarşemê jî li Balyozxaneya Tirkiyeyê ya li Washingtonê bi Wezîrê Karên Derva yê Amerîkayê John Kerry ra hevdîtinek dualî pêk anî. Di hevdîtinê de her du alî behsa peywendiyên navbera Tirkiye û Amerîkayê kirin û li ser metirsiya terorê ya cîhanî û kirîza niha ya penaberan rawestiyan. Wezîrê Karên Derva Çavuşoglu jî beşdarî civîna ku derdora 45 deqîqeyan dewam kir bû.
Piştî daxuyaniya Berdevkê Wezareta Derve ya Amerîkayê John Kirby ku di destpêka meha Sibatê de gotibû, Amerîka PYD û Yekîneyên Parastina Gel (YPG) yên çekdar ên Sûriyê wek rêxistineke terorîst nabîne, pêwendiyên Tirkiyê û Amerîkayê ber bi başûr ve çûn. Daxuyaniya Kirby bersivek bû li ser ultîmatoma Serokomar Recep Tayyîp Erdogan a ji Washingtonê re ku yan Tirkiye yan jî PYDê wek hevalbendê xwe hilbijêre. Tevî ku Enqere gelek caran hişyarî da Amerîka û Ewropayê ku nabe terorîstên baş û xerab hebin jî, îşaret bi YPGê kir jî, Amerîka guh neda banga Erdogan ya dawî û YPG wek “hevkarê xwe” bi nav kir.
Kirby got: “Kurdên Sûriyê şirîkên me yên li dijî DEAŞê ne.” Ev ultîmatoma Erdogan ji Washingtonê re çend roj şûnda hat ku Nûnerê Taybet ê Serokê Amerîkayê Barack Obama yê ji bo Koalîsyona Dijî DEAŞê Brett McGurk serdana Kobanî ya di bin kontrola PYDê da kiribû û hevdîtin pêk anîbû.
