Wezîrê Derve yê Tirkiyê daxwaz dike ku piştî agirbestê serdemeke nû li Sûriyê dest pê bike.
Wezîrê Derve yê Tirkiyê Ahmet Davutoglu xwest piştî agirbestê deriyên serdemeke nû li Sûriyê vebin.
Davutoglu di peyama xwe ya ji bo Cejna Qurbanê ya li ser Twitterê da wiha got: "Ez hêvî dikim ku gelê Sûriyeyê bi agirbesta ku piştî zêdetirî salekê tundiya li welêt hat ragihandin, di aştiyê de bin.
Davutoglu Cejna Qurbanê li hemû welatiyan pîroz kir û hêvî kir ku ev cejn ji bo hemû alema Îslamê bi xêr be.
Roja Pêncşemê, artêşa Sûrî agirbest ragihand ku ji roja Înê destpê dike û roja duşemê bi dawî dibe.
Rêveberiya artêşa Sûriyê diyar kir ku ew pêşniyara Nûnerê Taybet ê Hevbeş ê Neteweyên Yekbûyî û Yekitiya Ereban Laxdar Brahîmî ya ji bo ragihandina agirbestê li tevahiya Cejna Qurbanê qebûl kiriye.
Di vê navberê de Artêşa Azad a Sûriyeyê jî agirbest qebûl kir.
Nûnerê Tirkiyeyê yê Konseya Neteweyî ya Sûriyeyê (MNS) Halid Hoca daxuyanî da nûçegihanê AAyê û got ku Artêşa Azad a Sûriyeyê bi hin şert û mercan agirbest qebûl kir; Yekîneyên Sûriyeyê wê cihê xwe neguherînin, wê ji bajaran vekişin û girtî bên berdan.
(Ajansa Nûçeyan a Anadoluyê)
