Түркиянын премьер-министри Бинали Йылдырым Германиянын Бундестагы 1915-жылдагы окуяларды “армяндардын геноциди” деп тааныган резолюцияны кабыл алса, Берлин менен Анкаранын мамилеси начарлашы мүмкүн деди.
Түркия Германиянын 1915-жылдагы окуяларга карата акыл-эстүүлүгүн көрсөтөт деп үмүттөнөт, деди Йылдырым, TRT Haber телеканалы 1-июнда билдирди.
Ал кошумчалагандай, Түркиянын тарыхында эч качан геноцид болгон эмес.
Буга чейин Германия парламенти 1915-жылдагы окуяларды “армяндардын геноциди” деп таануу боюнча резолюция кабыл алууну пландап жатканы кабарланган.
Армения жана армян лоббиси Түркиянын мурдагы Осмон империясы 1915-жылы Анадолуда жашаган армяндарга каршы геноцид деп аталган кылмышты жасаган деп ырасташат.
Армяндар дүйнөдө “геноцид” пропагандасын күчөтүп жатып, айрым өлкөлөрдүн парламенттери тарабынан аны таанууга жетишти.
