Ислам өнүктүрүү банкынын президенти Ахмад Мохамед Али Түркиянын ылдам өнүгүүсү жана экономикалык демилгелери менен сыймыктанышкандарын айтты.
Түркия банктын эң күчтүү мүчөлөрүнүн бири, деди Али шейшемби күнү AA агенттигине.
Али Ислам өнүктүрүү банкынын түптөлүшүндө эң башынан бери күчтүү роль аткарган Түркиянын банкта эң чоң үлүшкө ээ экенин айтты.
Ал белгилегендей, Ислам Кызматташтык Уюмунун (COMCEC) Экономикалык жана соода кызматташтыгы боюнча Туруктуу комитети Түркиянын президенти Абдулла Гүлдүн төрагалыгы астында өткөн акыркы жыйынында жаңы стратегияны түздү. Али жаңы стратегиядан абдан ыраазы болгонун кошумчалады.
«Түркия абдан жакшы аракеттенүүдө. Түркия ылдам өсүүдө, ал эми жакынкы өлкөлөр экономикалык көйгөйлөрдү башынан кечирүүдө. Бул өсүү Түркиянын да, башка Ислам өлкөлөрүнүн да кызыкчылыгы үчүн абдан маанилүү. Түркиянын ылдам өнүгүүсү менен сыймыктанабыз”,-деди Али.
(Анадолу маалымат агенттиги)
