Turcia omnem dialogum cum imperio Syriaco excludit, dixit minister rerum externarum Ahmet Davutoğlu die Martis, postridie quam Moscua colloquia cum Damasco postulavit ut solam viam ad finem belli crescentis imponendum.
"Nulla est utilitas dialogi ineundi cum imperio quod talem caedem contra suum populum perficere pergit, etiam tempore (festi Musulmani) Eid al-Adha," Davutoğlu in colloquio cum diurnariis dixit.
Sergius Lavrov, minister rerum externarum Russiae, Occidentem et actores regionales, Turcia inclusa, hortatus est ut cum praeside Bashar al-Assad necnon cum factione oppositionis deliberationes incipiant, ut viam sternant solutioni politicae in Syria, quae fere viginti mensibus belli vexatur.
"Vix quicquam sine dialogo cum gubernatione efficietur, et hoc solum problema est quod in via ad processum politicum manet," Lavrov dixit post conventum cum Lakhdar Brahimi, legato pacis internationali pro Syria.
Davutoğlu dixit dialogum cum Damasco, olim socio suo, fore gradum qui "regimen existentem legitimare posset dum violentia perstat".
Plus quam quingenti homines mortui nuntiati sunt per quattuor dies feriarum Eid Muslimorum, quamquam indutiae a Brahimi mediatae sunt, qui dixit bellum civile in Syria de peiore in peius procedere.
Brahimi, qui legatus pro Syria factus est postquam decessor eius Kofi Annan magistratu se abdicavit cum consilium pacis quinque punctorum irritum factum esset, ad Consilium Securitatis Consociationis Nationum mense Novembri ibit cum novis propositionibus ad colloquia inter Assad et oppositionem promovenda.
(Hürriyet News Daily)
