Eva Schloss, 86 taona, rahavavin'i Anne Frank sy ny sisa velona tamin'ny toby fitanana Auschwitz, dia nanambara fa i Donald Trump dia manao toa an'i Adolf Hitler ao amin'ny tsanganana navoakan'ny Newsweek tamin'ny alarobia.
Araka ny filazan-dRamatoa Schloss, “Raha i Donald Trump no ho filoha manaraka an’i Etazonia, dia ho loza tanteraka izany” ary “manao tahaka an’i Hitler hafa amin’ny fandrisihana fanavakavaham-bolon-koditra izy”, amin’ny fitanisana ny fampanantenany handrara ny Miozolomana avy any Etazonia sy manangana rindrina eo anelanelan'i Etazonia sy Meksika.
Nanao dingana lavidavitra kokoa i Rtoa Schloss tamin'ny filazana fa mety ho ratsy kokoa noho i Hitler ny Fiadidian'i Trump, satria farafaharatsiny nandritra ny Ady Lehibe Faharoa, "niara-niasa ny mpiara-dia rehetra - Etazonia, Rosia ary Grande-Bretagne - mba hiadiana amin'ny fandrahonana mahatsiravina ataon'ny Nazisma," fa tsy izany no zava-misy ankehitriny amin'ny ady amin'ny fampihorohoroana.
