Nandresy ny fisaratsarahana ny filankevitry ny filaminana mba hanameloka ny fanafihana izay nahafatesana olona dimy tao amin'ny tanàna sisintany.
Nankatoavin'ny Filankevitry ny Fiarovana ny Firenena Mikambana ny fanambarana iray manameloka “amin'ny teny mafy indrindra” ny tifitra baomba nataon'i Syria tamin'ny tanàna Tiorka izay nahafatesana olona dimy.
Ny mpikambana ao amin'ny filankevitra dia nahavita nampifandray ny tsy fitovian-kevitra teo amin'ny fanambarana mafonja notakian'i Etazonia sy ireo mpanohana azy tandrefana ary notohanan'i Tiorkia mpiara-dia aminy ao amin'ny OTAN, ary lahatsoratra malemy natosiky an'i Rosia, mpiara-dia lehibe indrindra amin'i Syria, taorian'ny fifampiraharahana nanomboka ny alarobia teo ary nitohy hatramin'ny Alakamisy.
Tao amin'ny fanambarana an-gazety, izay nila fankatoavana avy amin'ireo mpikambana ao amin'ny filankevitra 15, dia nilaza ny sampana matanjaka indrindra ao amin'ny Firenena Mikambana fa ny zava-nitranga dia “nanasongadina ny fiantraikan'ny krizy ao Syria eo amin'ny fiarovana ny mpiara-monina aminy sy ny fandriampahalemana sy ny fitoniana eo amin'ny faritra.”
Nitondra fampiononana ho an'ny fianakavian'ireo niharam-boina sy ny governemanta ary ny vahoakan'i Torkia ihany koa izany.
Nitaky ny fampitsaharana tsy misy hatak'andro ny fanitsakitsahana ny lalàna iraisam-pirenena toy izany ny filan-kevitra ary niantso ny governemanta Syriana “hanaja tanteraka ny fiandrianam-pirenena sy ny fahamarinan'ny faritanin'ireo mpifanolo-bodirindrina aminy.” Ny fifanarahana nataon'i Rosia fa manitsakitsaka ny lalàna iraisam-pirenena ny tifitra Syriana dia fanekena lehibe nataon'i Moskoa.
'Mpampihorohoro sy mpikomy'
Ny volavolan-drafitra tany am-boalohany tohanan'ny tandrefana, natolotr'i Azerbaijan, dia nanameloka ny tifitra “amin'ny teny mafy indrindra” ary niantso izany ho fanitsakitsahana ny lalàna iraisam-pirenena. Tsy nilaza na inona na inona fanitsakitsahana ny lalàna iraisam-pirenena ny fanitsiana Rosiana naroso, ka ny fampidirana ao amin'ny lahatsoratra farany dia fanekena nataon'i Moskoa.
Ny alakamisy teo, nilaza ny masoivohon'ny Firenena Mikambana ao Syria fa tsy mitady firongatry ny herisetra amin'i Tiorkia ny governemantany ary te-hihazona fifandraisana tsara amin'ny mpiara-belona.
Nilaza ny masoivoho Bashar Ja'afari fa tsy niala tsiny tamin'ny tifitra bala avy any Syria ny governemanta satria niandry ny valin'ny fanadihadiana momba ny niandohan'ny tifitra.
Namaky ny mpanao gazety ny taratasy nalefany tany amin'ny Filankevitry ny Fiarovana izay nandefa “fiononana lalina” an'i Syria ho an'ireo fianakavian'ireo niharam-boina “sy ho an'ireo olona sariaka sy mpirahalahy ao Tiorkia” izy.
Nandrisika an'i Tiorkia sy ireo mpifanolo-bodirindrina aminy hafa mba “hihetsika amim-pahendrena, ara-drariny ary amim-pahamendrehana” ary hisorohana ny fidiran'ny “mpampihorohoro sy mpikomy” amin'ny sisin-tany ary ny fanondranana fitaovam-piadiana an-tsokosoko.
Nandritra ny fifampiraharahana tamin'ny Alakamisy momba ny lahatsoratra raha mbola tsy nisy fisalasalana ny vokatra, nilaza tamin'ny mpanao gazety ny masoivoho amerikana Susan Rice fa “heverintsika fa tena zava-dehibe ny fitenenana mazava sy haingana ny filankevitra hanameloka an'ity tifitra bala ity.”
"Ity karazana hetsika miaramila miampita sisintany ity dia tena manakorontana ary tsy maintsy atsahatra," hoy izy.
Ny herisetra amin'ny sisintany dia nanampy endrika vaovao mampidi-doza ho an'ny ady an-trano ao Syria, nitarika ny mpifanolo-bodirindrina amin'i Syria ho lalina kokoa amin'ny ady izay lazain'ny mpikatroka fa efa namono olona 30,000 hatramin'ny nanombohan'ny fikomiana ny fitondran'ny filoha Bashar al-Assad tamin'ny Martsa 2011.
(Reuters)
