Ny Minisitry ny Raharaham-bahiny Iraniana Ali Akbar Salehi dia nangataka ny fandraisan'anjaran'i Tiorka haingana mba hanomezana toky ny famotsorana ireo mpivahiny Iraniana 48 natao takalon'aina tao an-drenivohitr'i Syria rotidrotiky ny ady tamin'ny herin'ny fifandonana, izay nanambony tena fa nandray anjara tamin'ny ady tamin'ny fanoherana ny filoha Bashar al-Assad ny Iraniana.
Noraisin'i Salehi ihany koa ny mpiara-miasa aminy Qatari mba hanome toky ny famotsorana ireo Iraniana. Ny Minisitry ny Raharaham-bahiny Tiorka Ahmet Davutoğlu sy ny mpiara-miasa Qatari Sheikh Hamad Bin Jassim Bin Jabr Al-Thani dia niray tsikombakomba hikaroka ny famotsorana ireo mpivahiny nandritra ny resaka an-telefaona nisaraka tamin'ny Minisitry ny Raharaham-bahiny Iraniana Ali Akbar Salehi, hoy ny masoivohom-baovaom-panjakana Iraniana IRNA tamin'ny alahady.
Loharanom-baovao diplomatika Tiorka, saingy avy eo, nilaza fotsiny fa nanova ny lafiny tamin'ny fivoarana farany tao Syria i Davutoğlu sy Salehi nandritra ny resaka nifanaovan'izy ireo.
Nilaza ny fampahalalam-baovao Iraniana fa nandeha fiara fitateram-bahoaka nankany amin'ny seranam-piaramanidina ireo Iraniana avy ao amin'ny toerana masina voaravaka volamenan'i Sayeda Zainab, zafikelin'ny Mpaminany Mohammed — toerana fanaovana fivahiniana masina Shiita any amin'ny faritra atsimoatsinanan'i Damaskosy — mba hody any an-tranony. nosamborin’ny mpikomy mitam-piadiana. Ny komandin'ny Tafika Syriana Afaka, etsy ankilany, dia nilaza fa lavitra ny moske ilay fiara fitateram-bahoaka ary mizotra mankany amin'ny faritra niady tamin'ny tafi-panjakana sy ny mpikomy.
"Nahazo vaovao momba ny Iraniana izahay ary nanomboka nanara-maso azy ireo nandritra ny 2 volana," Cpt. Abdel Nasser al-Shumair, komandin'ny brigade al-Baraa an'ny Tafika Syriana Afaka, dia nilaza tamin'ny resadresaka nifanaovana tamin'ny fahitalavitra al-Arabiya any Dubai. Ireo mpiady dia “mbola nanamarina ny antontan-taratasy mampiseho ny mombamomba ireo voafonja ireo ary hampahafantatra ny zavatra hitanay ampahibemaso amin'ny fotoana mety.”
Niampanga an'i Iran ho nandefa mpiady avy amin'ny mpiambina ny Revolisionany ireo Syriana mpiady mba hanampy ny tafik'i Assad hampitsahatra ny fikomiana amin'ny fitondrany. Nolavin'i Tehran ny fiampangana
