Ny vahoaka Syriana no hanapa-kevitra ny hoavin'ny firenena ary izay vahaolana rehetra hamahana ny ady an-trano telo taona dia tsy maintsy eken'ny vahoaka, hoy ny filoha Syriana Bashar Al Assad.
Ny vahoaka Syriana no hanapa-kevitra ny ho avin'ny firenena ary izay vahaolana rehetra hamahana ny ady an-trano telo taona dia tsy maintsy ankatoavin'ny vahoaka, hoy ny filoha Syriana Bashar Al Assad tamin'ny Alarobia.
Tokony hifarana ny fanohanana ireo 'vondrona mpampihorohoro' mba hamahana vahaolana ara-politika amin'ny krizy, hoy ny filoha Assad nandritra ny fihaonany tamin'ny iraky ny Firenena Mikambana sy ny Ligy Arabo Syria Lakhdar Brahimi, araka ny filazan'ny masoivohom-baovao Syria. “Ireo firenena izay manamaivana ny fidiran'ireo vondrona mpampihorohoro ao Syria ary manohana ireo vondrona ireo amin'ny vola sy fanohanana ara-pitaovana dia tokony hampitsahatra ireo ezaka ireo.” Nohamafisiny ihany koa fa ny vahaolana rehetra amin'ity krizy ity dia tokony eken'ny Syriana ary tsy misy fitsabahan'ny vahiny.
Ny iraka manokana Brahimi dia nilaza fa ny fihaonambe Genève II dia mikendry ny hitondra ny ankolafy rehetra amin'ny vondrona Syriana ary hitady vahaolana amin'ity krizy ity haingana araka izay azo atao.
Tany Damaskosy i Brahimi tao anatin'ny roa andro farany, niresaka tamin'ny manampahefana ao amin'ny governemanta ho an'ny fihaonambe iraisam-pirenena nokasaina tany Genève mba hitadiavana vahaolana ara-politika amin'ny ady an-trano naharitra ela izay nahatonga an'i Syria ho rava.
Tamin'ny fiandohan'ity herinandro ity, vondrona mpikomy maromaro no naneho ny fanoherany ny fivoriana raha tsy hoe miafara amin'ny fanesorana an'i Assad eo amin'ny fitondrana izany. Efa nilaza i Assad teo aloha fa mety hirotsaka hofidiana indray izy amin'ny tapaky ny taona 2014.
Anatolia News Agency
