Кан Бономо, кој ја претставуваше Турција на овогодинешниот натпревар за песна на Евровизија во главниот град на Азербејџан Баку и го заврши натпреварувањето на седмото место со неговата песна „Love Me Back“, се рангираше на 7 место од 22 во гласањето на професионалното жири.
Комитетот на Евровизија објави извештај за резултатите од натпреварот за песна што се одржа на 26 мај. Според овој извештај, финалето на настанот го погледнале 64 милиони луѓе на телевизија ширум светот.
Бономо, кој доби 112 поени во генералниот пласман, доби 176 поени во јавното гласање и 50 поени во професионалното жири. Според овој резултат, Турција има најголема разлика меѓу јавното гласање и гласањето на професионалното жири меѓу 26-те земји кои се натпреваруваат.
Русија, која учествуваше во натпреварот со Бурановские Бабуски, и беше второрангирана со 259 поени, беше на второ место во јавното гласање со 332 поени и на 11-то место во професионалното жири со 94 поени.
Шведска, која победи на натпреварот со 372 поени, го задржува првото место и во јавното гласање (343 поени) и во професионалното жири (296 поени).
