Турскиот министер за надворешни работи Ахмет Давутоглу рече: „Да се преземат мерки за безбедноста на границите не значи развивање став кон која било група во Сирија."
Говорејќи на заедничката прес-конференција со неговиот индиски колега Салман Хуршид во министерството во средата, Давутоглу одговори на новинарски прашања за случувањата на сириската граница. Давутоглу изјави дека Турција мора да преземе одредени мерки за да ја заштити својата гранична безбедност, потсетувајќи дека смртта на турски државјанин во турскиот град Џејланпинар на сириската граница ја подигна чувствителноста на јавноста за граничната безбедност. „Да се преземе мерка не значи да се развие став кон која било група во Сирија. Случувањата во Сирија и Ирак не влијаат само на иднината на Курдите, туку и на Арапите и Туркмените“, рече Давутоглу. Давутоглу тврди дека визијата на Турција е да придонесе за воспоставување нов регионален поредок во кој сите заедници ќе живеат братски, во етнички и секташки мир. Осврнувајќи се на процесот на решение, Давутоглу рече: „Процесот на решение во Турција ќе послужи како многу добар пример за нов мирен регионален поредок“. „Не треба да дозволиме случувањата надвор и меѓу кои било етнички и секташки групи негативно да влијаат на процесот на решение.
Тој го повтори својот став во врска со тврдењата дека Башар Асад го признал Рас Ал Ајн, град во сириската граница со Турција заземен од Партијата за демократска унија (PYD), сириски огранок на терористичката организација ПКК, велејќи дека „признавањето на де факто ситуации ќе доведе за дополнително крвопролевање и претворање на билатералниот судир во мултилатерален“.
„Не ги земаме предвид етничките и секташките идентитети. Кога нашите браќа Курди беа третирани неправедно од режимот во минатото, ние ги браневме и нивните права“, рече Давутоглу.
Освен тоа, тој изрази дека се во близок контакт со лидерот на курдската регионална влада Масуд Барзани и дека ќе продолжат да одржуваат контакт во врска со ова прашање.
Весникот Türkiye
