Џез-хорот Босфор е во потрага по спонзор за присуство на Светската хорска Олимпијада, пишува весникот „Радикал“. Натпреварот ќе се одржи помеѓу 4 и 14 јули.
Тимот беше светски хорски шампион во 2011 година и тие продолжуваат со својата работа да ја претставуваат Турција на меѓународни натпревари. Сепак, со малку време преостанато тие немаат спонзор да одат во САД и да ја претставуваат Турција на Светската хорска Олимпијада.
Светско првенство и пет златни медали
Џез-хорот Босфор минатата година освои две светски првенства и пет златни медали. Тимот исто така беше наведен како еден од најдобрите 20 народни хорови. Хорот е избран за најдобар хор и во Турција.
Тимот сака да ја претставува Турција не само во САД, туку и на фестивалот Кантемус, кој ќе се организира во Унгарија.
Тимот моментално е и на проби и бара спонзор. Диригентот на хорот, Масис Арам Гезбек рече: „Би сакале луѓето да не најдат за да нè спонзорираат, а тоа ќе ни овозможи да се концентрираме само на нашата работа“.
„Минатата година размислувавме како да присуствуваме на Светската хорска Олимпијада. Мини концертот што го одржавме во метрото во Истанбул не направи многу популарни. Видеата од неа станаа многу популарни и на нашиот канал на YouTube“, рече Гезбек.
Тимот мислеше дека ќе можат да влезат на Светската хорска Олимпијада оваа година. „Сепак, нашето време беше многу ограничено“.
Тимот моментално бара спонзор, а тие рекоа дека сакаат да ја претставуваат Турција на меѓународната сцена.
