На церемонија одржана во концертната сала Џемал Решит Реј во Истанбул, денеска беше погребан Беркант Акѓун, турскиот поп пејач познат на повеќето како Беркант.
Пејачот почина од компликации од рак на белите дробови, на 74-годишна возраст, на 1 октомври. Сопругата на Беркант, Енгин Акгурген и двата сина, Овгу и Ојку Акгурген, беа присутни на церемонијата, како и неговите пријатели, уметниците Селчук Урал, Али Кочатепе, Ерол Бујукбурч, Селами Шахин и Сезен Џумхур Онал.
Официјален претставник на турското Министерство за култура и туризам, Абдурахман Челик, исто така беше присутен на церемонијата за да го изрази своето сочувство во име на министерот за култура Ертугрул Ѓунај.
На почетокот на церемонијата беше прикажан дел од документарниот филм направен од Кокатепе за Беркант, по што следуваа кратки говори во неговото сеќавање. Урал, кој беше со Беркант во последните денови, рече: „Тој беше најнежниот човек на светот“.
(Хуриет дејли њуз)
