АНКАРА – Новинска агенција Анадолија
Силниот раст на индустриското производство покажува дека турската економија е отпорна. DHA фотографија
Индексот на индустриското производство на Турција се зголеми за 3.7 отсто во декември 2011 година во споредба со истиот месец во 2010 година, објави вчера Турскиот статистички институт во извештајот земајќи ја 2005 година како основна година.
Индустриското производство во 2011 година во просек порасна за 8.9 отсто. Бројката беше 13.1 отсто за 2010 година, што претставува намалување за четири поени на годишна основа.
Календарски прилагодениот индекс на производството во декември 2011 година бележи пораст од 3.8 отсто во однос на декември 2010 година, а и сезонскиот и календарски прилагодениот индекс на индустриското производство се зголемени за 2.7 отсто во однос на претходниот месец. Во главните индустриски категории, најголем пораст има Производството на капитални производи со 13.5 отсто во декември 2011 година во споредба со истиот месец претходната година.
Турската економија е отпорна и покрај негативните глобални случувања поради рекордно ниските каматни стапки во економијата и поевтинувањето на турската лира што го поддржува извозот, рече Озгур Алтуг, главен економист на BGC Partners.
