Турскиот премиер в среда ќе прими група студенти, академици и уметници од паркот Гези.
Турскиот премиер и претседател на турската владејачка Партија на правдата и развојот Реџеп Таип Ердоган во среда ќе прими делегација од 11 членови од паркот Гези, составена од студенти, академици и уметници.
Ердоган ќе ја прими делегацијата во 4 часот во седиштето на АК Партијата во Анкара, соопштија извори.
Делегацијата ќе има претставници од различни професии како студенти, академици и уметници.
Средбата е планирана како неформални разговори и Ердоган ќе добие информации од прва рака за инцидентите во паркот Гези.
На средбата ќе присуствуваат и турскиот министер за внатрешни работи Муамер Ѓулер, министерот за животна средина и урбанизација Ердоган Бајрактар, министерот за култура и туризам Омер Челик, потсекретарот на премиерот Ефкан Ала и заменик-претседателот на АК партијата Хусеин Челик.
