Il-Fratellanza Musulmana ħabbret li mhux se jattendu l-laqgħat nazzjonali ta’ rikonċiljazzjoni mitluba mill-President interim tal-Eġittu Mansour.
Il-Fratellanza Musulmana ħabbret li mhux se jattendu l-laqgħat nazzjonali ta’ rikonċiljazzjoni mitluba mill-President interim tal-Eġittu Adly Mansour.
Kelliem għall-Fratellanza Musulmana, Ahmed Aref qal fid-diskors tiegħu fi Pjazza Rab'a al-Adaweya tal-Kajr huma ma jaċċettaw ebda prattika mwettqa mir-reġim interim illeġittimu li keċċa lill-ewwel President tal-Eġittu elett demokratikament Mohamed Morsi.
Il-Viċi Chairman tal-Partit tal-Ħelsien u l-Ġustizzja (FJP) Isam el-Uryan qal lill-korrispondent tal-Aġenzija Anadolu li se jaqblu biss dwar is-sejħa ta’ Mansour għal djalogu nazzjonali u rikonċiljazzjoni bil-kundizzjoni li Morsi jerġa’ jiddaħħal.
Il-gvern interim tal-Eġittu qal li se jniedi sessjonijiet ta’ rikonċiljazzjoni nazzjonali nhar l-Erbgħa.
L-Eġittu ilu f’taqlib politiku minn meta l-armata waqqfet lil Morsi fit-3 ta’ Lulju wara dimostrazzjonijiet tal-massa fit-30 ta’ Ġunju kontra r-reġim tiegħu.
Il-partitarji ta’ Morsi ilhom jorganizzaw dimostrazzjonijiet mal-pajjiż kollu biex jiddefendu l-leġittimità demokratika tiegħu u jitolbu li jerġa’ jdaħħal mill-bidu tal-kriżi tal-Eġittu.
