Xiriirka Turkiga iyo Shiinaha ayaa u horumaraya qaab dhinacyo badan leh, tamarta ayaa ah shayga ugu muhiimsan ee xiriirka, Safiirka Turkiga u fadhiya Beijing Murat Salim Esenli ayaa sheegay.
Shiinuhu waxa uu khibrad weyn u leeyahay tamarta Nukliyeerka, ayuu danjire Esenli u sheegay wakaaladda wararka ee Anatolia mar uu shalay waraysi la yeeshay.
"Shiinuhu waxa uu qarka u saaran yahay in uu la wadaago Turkiga tamarta nukliyeerka," ayuu yidhi.
Danjire Esenli oo taabanaya meel la qorsheeyay in lagu kaydiyo gaaska dabiiciga ah ee ka hooseeya harada Tuz ee Turkiga, ayaa sheegay in Turkiga iyo Shiinaha ay galeen marxalad istiraatiiji ah oo kayd ah.
Turkiga iyo Shiinaha ayaa kala saxiixday heshiis lagu kaydinayo harada Tuz, waxaana mashruucan uu ku kacayaa 536 milyan oo doolar, Esenli ayaa hoosta ka xarriiqay.
Mashruuc kale oo tamareed oo muhiim ah oo Shiinaha laga leeyahay ayaa la xiriira warshadda kulaylka ee laga dhisayo gobolka koonfurta ee Adana, ayuu raaciyay. Warshadan ayaa qaadi doonta 600 megawatts waxayna qiimaheedu dhan yahay $1.2 bilyan, ayuu yiri Esenli.
