Hal askari ayaa ku dhintay 4 kalena waa ay ku dhaawacmeen qarax kadib markii xubno ka tirsan argagixisada (PKK) ay weerar ku qaadeen bas ay wateen ciidamada hubaysan oo marayey gobolka İzmir ee galbeedka dalkaasi khamiistii..
Koox ka tirsan PKK ayaa ku qaraxday bam wadada dhinaceeda ah oo ay ku aaseen wadada ku taal degmada Foca ee wilaayada Foca kadib markii gaari ciidan uu dul maray abaare 8-dii aroornimo kadibna ay rasaas ku fureen gaariga waxaana ku dhintay hal askari. "Sida ay sheegayaan wararkii ugu horreeyay, waxaa jira khasaare dhimasho iyo dhaawac ah, hal askarina waa la dilay," Taliyaha Bilayska İzmir Ali Bilkay ayaa sidaas u sheegay wakaaladda wararka ee Anatolia.
PKK ayaa dhawaanahan kordhisay ololaheeda bahalnimada ah, iyagoo dilay 8 askari usbuucii hore weerar ay ku qaadeen ciidamo hubaysan oo ku sugnaa gobolka Hakkari ee Koonfur Bari. Weerarkii Khamiista ayaa muujinaya mid ka mid ah weerarrada aan caadiga ahayn ee ururka argagixisadu ka fuliyaan galbeedka dalka dhowrkii bilood ee la soo dhaafay.
[vsw id="BbMU-VwCveo" isha="youtube" width="300″ height="250″ autoplay="maya"]
