Wasiirka arrimaha dibadda ee Turkiga, Ahmet Davutoglu, ayaa wada hadal dhanka taleefoonka ah kula yeeshay xoghayaha arrimaha dibadda ee Mareykanka John Kerry, isagoo kala hadlay weerarkii Arbacadii ay booliska ku qaadeen dad rayid ah oo ku sugnaa Masar.
Sida laga soo xigtay ilo diblumaasiyadeed, Davutoglu ayaa Arbacadii wada hadal dhanka taleefoonka ah la yeeshay Kerry, ka dib xasuuqii lagu dilay dadka Masar.
Labada wasiirba waxay dhaleeceeyeen rabshadaha loo adeegsaday dadka rayidka ah ee Masar, waxayna la wadaageen walaaca ay ka qabaan suurtagalnimada rabshadaha sii kordhaya ee dalka.
Khadka taleefoonka oo ay labada wasiir ku adkeeyeen baahida loo qabo joojinta dhiiga daadanaya ee Masar si degdeg ah iyo in la bilaabo hannaan wax ku ool ah oo lagu soo celinayo dimoqraadiyadda, waxay ka wadahadleen tallaabooyinka loo qaadayo jihadaas.
Sababtaas awgeed, Davutoglu iyo Kerry waxay isku wargeliyeen xidhiidhka diblomaasiyadeed ee ku saabsan xaaladihii ugu dambeeyay ee Masar.
Kerry iyo Davutoglu ayaa ku heshiiyay in wadahadal rasmi ah laga yeesho Masar maalmaha soo socda.
Wakaaladda Wararka Anatolia
