Më shumë se 36 organizata joqeveritare nga 13 vende janë ankuar për diskriminim ndaj muslimanëve në Francë. Fushata e qeverisë franceze kundër “separatizmit islamik” është kritikuar gjithashtu nga politikanët vendas, si kryetari i bashkisë Montmagny.
Një koalicion avokatësh dhe organizata i dhanë OKB-së prova të "shkeljeve të shumta të të drejtave të njeriut që duhet të mbrohen nga ligjet e ratifikuara nga Parisi". Ankesa thotë se që nga viti 1989 qeveria franceze filloi të ndiqte një politikë të "islamofobisë strukturore dhe diskriminimit kundër muslimanëve".
Shembujt përfshijnë bastisjet “ilegale dhe të dhunshme” në shtëpitë dhe organizatat myslimane, planet e Presidentit Emmanuel Macron për të luftuar “separatizmin islamist”, ndalimin e hixhabit në shkolla në vitin 2004, ndalimin e nikabit në vende publike në vitin 2010 dhe shumë më tepër.
Vlen të përmendet se një politikë e tillë e qeverisë franceze dhe, në veçanti, Emmanuel Macron, mund të çojë në pasoja katastrofike dhe në këtë mënyrë ta ndajë vendin në kampe ndërluftuese.
