Policia e Ankarasë gjeti të shtunën njëmbëdhjetë granata dore dhe 16 plumba pushke të mbetura në një mbikalim përgjatë bulevardit Anadolu.
Forcat e sigurisë zbuluan një çantë gjatë patrullimit rutinë në një mbikalim pranë Shkollës së Infermierisë të Universitetit Fatih. Duke konstatuar se në çantë kishte municion, policia mbylli mbikalimin për këmbësorët. Municioni i gjetur u dërgua në Departamentin e Policisë së Ankarasë pas ekzaminimit fillestar.
Policia ka nisur hetimet për gjetjen e municionit. Nuk ishte menjëherë e qartë nëse ndonjë grup terrorist ishte i lidhur me municionet.
