Kryeministri turk Rexhep Tajip Erdogan ka thënë: “Në vitin e kaluar, ne gjithmonë kemi menduar për qytetin e Vanit”.
Duke folur në ceremoninë e hapjes së rezidencave të ndërtuara nga Administrata e Strehimit e Turqisë (TOKI) për viktimat e tërmetit me magnitudë 7.2 në qytetin Ercis të qytetit lindor të Vanit, Erdogan theksoi se “pas një ndërhyrjeje të menjëhershme filluam një mobilizim. Vitin e kaluar kemi menduar gjithmonë për qytetin e Vanit.”
“Ne ndjemë dhimbjen e viktimave të tërmetit. Duhet të kuptonim se si ndiheshin dhe duhej t'i bënim të ndiheshin të lehtësuar. Sa më shpejt që të jetë e mundur ne do të përfundojmë punët tona dhe ju do të vendoseni në një qytet tjetër Ercis, në një Van tjetër”, tha Erdogan.
Erdogan theksoi se ata u nisën për në Van për të bërë hapjen e 15,341 shtëpive të përhershme dhe tha: “Uroj që të gjitha punët tona të jenë të dobishme për të gjithë. Po hapim edhe 27 shkolla, 24 xhami dhe 10 qendra tregtare”.
Për më tepër, Erdogan iu referua organizatës terroriste PKK dhe tha: “Çfarë përfitoni duke rrëmbyer mësuesit ose guvernatorin e qarkut që vijnë për të shërbyer këtu? Terroristët vetëm abuzojnë me lirinë dhe demokracinë. Ata përdorin vëllezërit dhe motrat e mia kurde si mjet.”
(Agjencia e Lajmeve të Anadollit)
