Mocioni, i rinovuar të enjten, autorizon qeverinë turke të "dërgojë anëtarë të Forcave të Armatosura Turke, me qëllim që të eliminojnë kërcënimin e terrorizmit dhe sulmeve, në operacionet ndërkufitare në rajonin verior të Irakut, ku PKK ka ndërtuar foleja,” raportoi Reuters.
Mocioni u miratua për herë të parë në vitin 2007.
Në fillim të këtij muaji, Iraku bëri thirrje për t'i dhënë fund pranisë së forcave ushtarake turke në tokën e tij, duke kërkuar që Turqia të ndalojë sulmet e saj ndaj PKK.
Gjatë muajve të fundit, forcat ushtarake turke dhe PKK janë përfshirë në një nga përleshjet e tyre më të rënda që nga fillimi i luftës së armatosur të grupit kurd kundër Ankarasë.
Në korrik, Bagdadi paralajmëroi Ankaranë kundër "shkeljes" të territorit dhe hapësirës ajrore të saj nga avionët luftarakë turq dhe i bëri thirrje Ministrisë së Jashtme të saj të paraqesë një ankesë në Këshillin e Sigurimit të OKB-së për këtë çështje.
PKK ka luftuar për një shtet të pavarur në Turqinë jugperëndimore që nga vitet 1980.
Që nga vitet 1990, Turqia ka mbajtur disa baza ushtarake në rajonin e Kurdistanit në Irakun verior ku PKK ka ngritur gjithashtu poste.
Një nga bazat ushtarake të Turqisë ndodhet në rajonin Bamerni të provincës Dohuk, një nga tre provincat që përbëjnë rajonin e Kurdistanit. Turqia ka gjithashtu tre baza të përhershme ushtarake në Kani Massi, Dera Luk dhe Sirsi ku vendos trupa gjatë gjithë vitit.
Konflikti Ankara-PKK ka lënë të vdekur mbi 45,000 njerëz.
