Ministri i Jashtëm turk Mevlüt Çavuşoğlu dhe zëvendëskancelari gjerman Sigmar Gabrie u takuan mes mosmarrëveshjeve diplomatike për takimet dhe fushatat e ndaluara të zyrtarëve turq në Gjermani.
Presidenti turk Rexhep Tajip Erdogan akuzoi Gjermaninë për “praktika naziste” për shkak të anulimit të mitingjeve ku përfshiheshin ministrat turq, gjë që acaroi marrëdhëniet diplomatike mes dy vendeve.
Sigmar Gabriel theksoi dëshirën e Gjermanisë për t'u kthyer në "marrëdhënie miqësore" ndërsa paralajmëroi se krahasimet me Gjermaninë naziste janë "vija që nuk duhen kapërcyer".
Më 16 prill në Turqi do të mbahet një referendum për ndryshimin e kompetencave kushtetuese të presidentit turk. 1.4 milionë votues turq që jetojnë në Gjermani luajnë një rol vendimtar në këtë referendum.
