Котиби давлатии ИМА барои ширкат дар нишасти вазирони хориҷаи НАТО дар ҷараёни сафар музокироти сулҳи Ховари Миёнаро баррасӣ мекунад.
Ҷон Керрӣ, вазири умури хориҷии Амрико, рӯзҳои 3-6 декабр ба Брюссел, Кишинёв, Байтулмуқаддас ва Рамалла сафар мекунад.
Ҷон Керрӣ аз 3 то 4 декабр дар Брюссел дар нишастҳои вазирони хориҷаи НАТО ва нишастҳои марбута ширкат хоҳад кард. Сипас ӯ ба Кишинёв, пойтахти Молдова меравад ва дар он ҷо бо мақомоти Молдова ҳамгироии ин кишвар ва масоили дуҷонибаро баррасӣ мекунад.
Дар Байтулмуқаддас дипломати аршади Амрико бо Бенямин Нетаняҳу, нахуствазири Исроил, дидор ва гуфтугӯҳои сулҳи Ховари Миёна бо фаластиниён ва Эронро баррасӣ мекунад.
Вай баъдан дар Рамалла аз раисиҷумҳури Фаластин Маҳмуд Аббос боздид мекунад ва дар он музокироти ҷараёндошта ва масъалаҳои дигарро баррасӣ хоҳад кард.
Фаластин ва Исроил нахустин музокироти сулҳро бо миёнҷигарии Амрико дар моҳи августи соли ҷорӣ дар тақрибан 5 соли ахир баргузор карданд.
AA
